الملتقى الجماهيري للشاعر محمد بن فطيس المري - عرض مشاركة واحدة - الراسيه..عشقت من عشقك جميع الطنايا..وأصبحت تامر بالمعاليق وتطول

#1 06-03-2011, 03:07 AM

الراسيه..عشقت من عشقك جميع الطنايا..وأصبحت تامر بالمعاليق وتطول

لاماخبرت أحدن سكن بالحنيا
الا انت ياللي كل مافيك مقبول
عشقت من عشقك جميع الطنايا
وأصبحت تامر بالمعاليق وتطول
طلتك وصرنا فوق روووس الشفايا
نلعب بنجم صار للحب مرسول
وأغليت حايل والبلا في الخفايا
وأغليت رمل يغلي الساق وينول
ياهيه يالي كل بعضك هدايا
حتى جروحك في حشايا غدت لول
مرات أحس ان التعب في الشفايا
يقطف عناقيد العنب عرضآ وطول
ومرات أحس ان الحنايا ظمايا
مثل الظما يقضي على النفس وتزول
ومرات أحس ان مالعمري بقايا

بعض الشجر نرثيه ماكمل الحول
ياصاحبي شف من جميع الزوايا
مابه سؤال الا وتلقى له حلول
حتى الغزير ليا حكى له نوايا
كلن عن افعاله غذى اليوم مسؤؤل
من منا مافي حياته خطايا
من منا صار في يوم مخذول
من منا ماشوهته الرزايا
من منا من ذنبه الشين مغسول
حنا كذا رغم اختلاف السجايا
جروحنا تغلب على الطبع ويحول
ومنى يجي يوم تموت الوشايا
الي غدت سيف على الزول مسلول
شف في عيوني عشق كل الصبايا
واشوف في عينك من السحر مفعول
وان ماقدرت انشد جميع البرايا
وأنشد ثرى حايل مع نجد وتقول
وأبشرك صرت الغلا فـ الحنايا
يالي من اقدامك الى الراس مقبول

- الراسية -

طبعا هذه القصيده مهداه الى / زوجها ..ممدوح المسطح الشمري

وهي من اروع ماكتبت الشاعره الرااسيه

تحياتي / كبرياء شمر

المصدر: الملتقى الجماهيري للشاعر محمد بن فطيس المري