[سرآب]

[ALIGN=CENTER][TABLETEXT="width:90%;background-color:black;"][CELL="filter:;"][ALIGN=center]

❤

....❤

ما هي .. [ قصة حُب ] , وإلاَّ ذكريات

للـ مشاعر ( جيش ) .. وقلبي مَرْكِزَه

صرتي لي " خامس جهه " لأربع جهات !
وصورتك في وسط عيني [ مبرْوِزَه ]


كنَّ ربِّي .. ما خلق غيرك / بنات !!
إن طروا غيرك .. أحس بـ " نرْفزَه "

وكنِّك إنتي جامعه .. كل الصفات !
الحلا ..
والزين ..
وعين [ مطرِّزَه ] ...

جاك قلبٍي وصرت عاشق تضحيات
و [ الهَدَف ] من شان " عينك " أحْرِزَه

إن خلطتي الماي في " سكَّر نبات " ..
وقلتي : " " إفرِزَه !!
راح أفرِزَه ...!!

في كلامك , يستلج فيني السكات
ومن جهل طبعك يظنِّك ( مخْرِزَه ) ..!!

واثق الخطوه .. وأمشي في ثبات
ويوم شفتك الخطاوي [ مهَزْهِزَه ] ..!

مو بـ كيفي هي كذا واللـه جات
قلبي كرسي " صعب " غيرك يحْجِزَه

عيشتي
دونك ..
يساويها ..
الممات !!
وإنتي عيشي .. في حياتي " معَزِّزَه "

يعني قبلك .. كنت أنا , كلِّي شتات
وصرت أجمعلك شتاتي .. و .. أكنِزَه ..!

وشي طبيعي .. لو يغارون البنات
للجمال [ أخبار ] .. وإنتي " مُوجزَه " ..

ومن يشوفك .. اللِّي يتكلَّم لغات
قام يخربط والـ ( إذا ) صارت ( إزَه ) ..!!

والثقيل اللي يسولف في سكات
من يشوفك عاش حالة / لعوَزَه ..!!

ولو
تبوسي
إنسان
له
أيَّام
مات
قام يركض !!
حَس قلبه ينْغِزَه ..!

وقلبي اللي نام في عز وسبات
غيرك إنتي .. ما أظن ( يفزِّزَه )

واللِّي قالوا لما جت : " الحلوه جات "
جنبك إنتي ..؟ صارت أكبر [ مَطْنَزَه ]

لا تغاري .. من كلام المعجبات
ماني مثل اللِّي .. يحب " الرَزْرِزَه "

ياما قالوا ( الحُب ) يصنع معجزات ..
وإنتي
[ حُبك ]..
في
حياتي
مُعْجِزَه



...❤
❤








لامست مشاعري

[/ALIGN][/CELL][/TABLETEXT][/ALIGN]

 

 

 

 

 

 

 

 

توقيع : سرآب

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] أصعبُ إِحسآسٌ لمآ يَطعْنُك [ إِنسآنْ " .. بِآلمكآنّ اللَّي قِلت لهُ يَآفِلانٌ .. هِنآ ~ [ مُ و و و تِ ي "