،
ياهاجسي كيـف أتـوب وعبرتـك ماتـهـاب=
تطغـا بعـيـن الحـزيـن وترتـمـى فــي يــده
وان غابت الشمس وعيونى ملاذ السحاب=
يزهمني الفـجـر وآخــذ مـنـه واسـتـرفـده
للبـحـر يـمـة وللرمـضـا مـواطـي ســـراب=
والـلـيـل قـفّــا وفـــز الـحـلـم مـــن مـرقــده
والبعد ذبـح القلـوب ونـزف جـرح الغيـاب=
ادمى مـن الشـوق نبضـى ماقويـت انشـده
اثر الهوى باب مادونـه عـن المـوت باب=
والله يسامـح فـؤادي كــان ضــاع اجـهـده
يـاحـادي البـيـد غـنـالـك قـتـيـل الـصــواب=
صوتـه تناثـر وليـل الصّـب مـتـى غــده
عيـن تضمـه غـلا والعيـن الاخـرى عتـاب=
يـاقـرب طيـفـه عـلــى روحـــي ويامـبـعـده
وان جابو اسمه تلعثمت الحكى والجـواب=
أحسـد عذولـى علـى طاريـه قبـل اجـحـده
امشـى لـه الخطـوة اللـى ماتضـم الـتـراب=
كـنـه عـلـى مــد جنـحـان الفـضـا مـوعــده
اضما لصوتـه واحبـه وابتسـم لـه عجـاب =
وان خلّص الهرج قلت ارجوك تكفـا عـده
