أكذب بيوت الشعر بيت اللي يقــــول,,, مـا الحب إلا للحبيب الاولـــــــــــــــي
اكذب بيوت الشعر بيت اللي يقــــول ,,, مـا الحب إلا للحبيب الاولـــــــــــــــي
واكبر دليل انك معي اربع فصــــول ,,, والغيت كل الناس يا ريحة هلـــــــــي
الغيتهم وانا احسب إن مالي ميـــول ,,, إلا لاول حب بالقلب الخلــــــــــــــــي
بس انت ما خليت للماضي قبـــــــول ,,, وعلمتني بالحب مقدار جهلـــــــــــي
وسميت بإسم الله عليك من النضول ,,, واللي يهدم البير من فوق الدلـــــــي
هـلا هـلا يـا فــزة الظبي الجفــــول ,,, يامن لك الخافق يفيض ويمتلـــــــــي
حقي عليك تحبني حسب الاصــــول ,,, وان كان انا ما اوفيت لك حقك علـي
اشغلت فيك الناس واصحاب العقـول ,,, ما غير اسولف عنك وافليها فلـــــي
سمّـــونــي المهــابيـــل مـهبـــــول ,,, وانا هبالي لك وثقل العقل لــــــــي
وش لي لا والله مالي شي مـــــــول ,,, يا مول عن شعب الامارات اوملـــــي
اخذتني كلي وانا كلي ذهــــــــول ,,, مـــدري غـلا ولا غلــو ولا غــــلـــي
مثل الخليفه والأمه ذات الحجــــــول ,,, يوم اسمعوا صوت صفير البلبلــــــي
مالك سوى تامر وانا لامرك عجـول ,,, حتى ولو امرك هدم مستقبلــــــــي
اقول إيوه وان بغيت الإيه اقـــــول ,,, ولا على قولة هل البصره بلـــــــي
معك معك دايم ورغم انف العـــذول ,,, اعلن موافقتي وشرطي ما يلــــــي
إنك ترضّاني اليا جيتك زعـــــــــول ,,, وإنك تزعلني اليا غاب زعلــــــــي
وإنك تقاضالي من الرمض الكســول ,,, وإنك تلّحفني الجديل المخملـــــــي
مانك موافق زين يالظبي الجفـــــول ,,, باقي معي كلمه بصدري تصطلـــي
تبي الصراحه عاد صادق من يقــــول ,,, ما الحب الا للحبيب الاولــــــــــــــى
الشاعر/مطلق النومسي
|
