تدري وش اللي يصدم الرجال في بعض اخوياه
وجودهم في النايبات الملزمـه مثـل عدمـه
وتدري وش اللي يقهر الرجال و يبيـن خفـاه
اليا بغى المحـزم ولا عيـن ذخايـر محزمـه
من غير ربعٍ ينقلون الحمل جعل امحق حيـاه
امحق حياة توجع الرجـال غصـب و تلزمـه
وين الرفيق اللي إليا ابطى صاحبه يومين جاه
يفرح اليا شافـه وياقـف لاتضايـق وزهمـه
لايارفيقي والرفيق إليـا خطـا يدمـح خطـاه
ماهو يدور زلـه الصاحـب و عثـرات قدمـه
ياصاحبي والطيب لاهل الطيب مايخفـي نبـاه
الطيب للطيب بلـد محكـوم و الذكـر علمـه
وش لي برفقة واحدٍ لاحتجـت لقانـي قفـاه
بلسانه ابشر باالسعد عونك.. وبا الفعل رخمه
