قصيدة قائلها الشاعر محمد بن فطيس المري فاُعجبت بها واهديها لحبيبتي سومه!!
اقول ماهو بكفؤ الوقت حبك يمحيه
يالي تخاف صروف الايام تمحاه
ارتاح مادام المواصل يقويه
انت انت وانا انا وقلبي هو وياه
حتى ولو بتغيب ذكراك تكفيه
ياواحد تكفي عن الناس ذكراه
حبك على رملة خفوقي مواطيه
ورياح عذلي عنك ماتمسح خطاه
اخفيه يالبا لفيت والحال يبديه
ادناه واحد ينظر الحال يقراه
مخفيه فيه ومعتني به وحاميه
عن كل عين ودها تنزل حماه
قلبي يحبك والهواء الذرب ماليه
كانك مكذبني بعينك تحلاه
وسلامتكم...
[/fot1]سعد العريشي
التعديل الأخير تم بواسطة وليف الحب ; 05-09-2011 الساعة 03:48 AM
سبب آخر: عدم الترتيب الجيد
