طرد الهوى يتعب قلوب الغنادير
السلام عليكم ورحمة الله وبركاته
اسعد الله جميع اوقاتكم بكل خير
حبيت اشارككم بهذه القصيدة لعلها تحوز على رضاكم
واجعلها هي البداية لانطلاقتي معكم ......
اعتبروها كعربون محبه
,,,,,,,,,,,,,,,,,,,,,,,,,,,,,,,,,,,,,,,,,,,,,
الحب ماله يابن الاجـواد تقديـر
.......عند الهنوف اللـي تزايـد دلعهـا
لمحت ابيها تسلك الدرب وتسيـر
......لكـن تغليهـا دمـر مانفعـهـا
طرد الهوى يتعب قلوب الغناديـر
........حتى الرجـال قلوبهـم ينتزعهـا
يابنت والله ماحسبـت المخاسيـر
.......ضحيت لكن هامتـي ماخضعهـا
بعثت لك عن صادق الحب تقريـر
.......يحمل مشاعر صادقـه ماخترعهـا
هجرت لعيونك حلا النوم والغيـر
........واعطيت لك روحي وقلبي تبعهـا
كنت احسبك ورده تسوق التباشير
........تتبع شروق الشمس وتميل معهـا
لكن طلعتي شجـرة مابهـا خيـر
........عز الله انه ماكسب مـن زرعهـا
هذا حصيل اللي سعى دون تفكيـر
.........رهن حياته عنـد سبـة وجعهـا
الحزن يدفع دمعة الشـوق وتحيـر
..........حزني دفعها وعز نفسـي منعهـا
رحال ماتعب لو تطول المشاويـر
........لـو زاد حملـي قامتـي ماهلعهـا
يلومني شخـصٍ ورد جمـة البيـر
.........ماجف ريقـه والمـراره جرعهـا
مايدري ان هجوس قلبي طوابيـر
...........هواجسٍ تـزري خفـوقٍ جمعهـا
تقبلوا تحيتي وتقديري
معجب عبدالله السليمي
تقديري للجميع ,,,,,
|
