مدري كبر حلمنا ... ولابعيني كبرت
والاهي اوهام ودي يصدق إحساسها
تنساني أيام وتجيني متى ماذكرت
اليامتى وانت روحي حابس أنفاسها؟!!
كنت أجمل احلام عمري بس ليه أنكسرت
يازين الاحلام لو ماينكسر باسها
بيديك مديت لي كاس المحبه.. وصرت
أنا اول اللي يذوق المر من كاسها
من يومها وانت قدام عيني ولو ماظهرت
دايم وعيني تشوفك بين جلاسها
قدرت ولا على نفسي معك ماقدرت
لازاد عنها غيابك زاد وسواسها
لوشفت حال الورق والشعرعقبك عذرت
اللي حرق صفحة الماضي وكراسها
ماكنت اصدق يجي يوم ابتسم لانظرت
أطلال ركب الليالي مر ماداسها
والاأنت لوقلت لي نادم وجيت اعتذرت
كان اجمل ابيات شعري ينحني راسها
مافيه داعي توصيني تراي اعتبرت
فرقاك ذكرى وشعري علق اجراسها
يكفيني البارح إني في عيونك سهرت
وقفت بين العيون السود وانعاسها
إن رحت ماأنت اول اللي راح وان حضرت
قلت الليال الجميله هب نسناسها
ممآ رآق لي .!
لـ/ متعب التركي
