[فلاح الشدقاء]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

بسم الله الرحمن الرحيم

أسعد الله اوقاتكم بكل خير

هذه أول مشاركاتي في موقع الشاعر محمد بن فطيس أتمنى أن تنال إعجابكم

ياليـل ياليـل العنـا والتفاكـيـر=اتعبتني ياليـل وادركـت حالـي
ياليـل من شانك عيونـي مساهيـر=والقلب جاله من سبايبـك صالـي
اخذ مع الهاجس بعيـد المشاويـر=واشكي على الله من زمان جرالي
كم مرة ن ياليـل دمعـي شخاتيـر=والدمع من شانك على الخد سالـي
لاني ضعيف ولا علي منك تقصير=لكن بكت عيني من اللي طرالـي
ذكرتني وقـت ن تمنيتـه يصيـر=وعيش في وقت ن قديم ن مضا لي
ياليت لي جنحان ولا اقدر اطيـر=لان الصبر مالـه علينـا مجالـي
اصبر على الدنيا وهـذي مقاديـر=اصبر وعزمي مثل راسي االجبالي
مالي جدى ياكون جزل التعابيـر=واختار في بدع البيوت الجزالـي
وليا نصيت انصا الرجال المناعير=اللي ليامـن جيـت قـدر قبالـي
تلقـي معـزة واحتـرام وتقديـر=وتلقي الشحم ومبهـرات الدلالـي
واللاش في بعده نسوق التباشيـر=يازين فرقاء اللاش في كل حالـي
وياليت هذا الليل يرحل على خير=وادله مع اللي طول الايام سالـي

[/poem]