السسلام عليكم..
شخباركم؟
احب اقدم لكم قصيدة لي
ويارب تعجبكم..
عنوانها(يابوي)
يقول:
يابوي في مدحك تعزويت القصيد
وكتبت فيك ابيات خوف الرقابه
اخاف نقدك وانت نقاد النشيد
لو ان شعري واصل ن للسحابه
وان كنت في فن المدايح مااجيد
لكن فعولك جابره للكتابه
الشعر فيك يزيد واوصافك تزيد
حتى وصلنا لأندهاش وغرابه
وصاح الشعر مقدر على مدح العميد
مقدر اوصف نص حضرة جنابه
ياشامخ الاوصاف يالمجد التليد
يابيرق الافعال قدر ومهابه
ايه انت حر ن في سمآ العليا يصيد
وايه انت ذيب ن صايد العز نابه
وانت الجمل لا شال حمله مايهيد
وانت الاسد دام النواميس غابه
وايه انت راس المال لي وانت رصيد
وايه انت قدوه وانت عزوه ولابه
وايه انت لاجار الزمن جنبي عضيد
وايه انته مزيل الكدر والكآبه
حبك جرى فالدم مع مجرى الوريد
ياللي وصوفك نادرة ماتشابه
ياجعل ربي يجعلك دايم سعيد
وياجعلني فدوة مواطيك يابه
وسلامتكم
