[غروب الخجل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

نادواسميّك .. وارتبكت وتغيّرت
كذا ولا ادري وقتها ويش جاني !



سكّت ,
حتى أتصدّق اني
تباشرت
كنت احسب انك جيت يمّي / عشاني

وأنا من الموقف :
ضحكت وتكدّرت ,
وبشايري : ( مرت مرور الثواني ) !



مع السوالف يوم طروّك سافرت ,
سافرت لك .. وأنا مكاني / مكاني



قصّيت للضيق التذاكر
وغادرت
وقدّمت شكري لـ القدر وامتناني ,



أثر ( الفراق ) ,
أصعب من اللي تصوّرت
بدت جيوشه .. [ تستحل المحاني ] ,



آمالي ان عاشت كذا
مالها كرت ,
طاحت .. من عيون البحور / المواني



ماني بـ قايل :
ليه بالوصل قصّرت ؟
وليه أنت متقلّب , وهادم , وباني ؟



اقول لك :
يوم انك لـ صدك اخترت
نسيتني ؟ .. والا [ نساني زماني ] ؟



في سكتك واقف
وفي سيري آحترت
قلي : [ ترى ماعاد ليعمر ثاني ] ,



تراي في قيود الرجاء ما تحررت
علّقت في ذمتك( كل الاماني ) !

 

 

 

 

 

 

 

 

توقيع : غروب الخجل

أمشِيّ " غَريبْ " ودآخلِيّ ألفْ دُولَه .. وأطَآلِع الدُنيَآ بنظّرآتْ مذّهُــولّ ..! شِفتْ أبسَطّ أحلآمِيّ (تمُوتْ ) بسهُولَه .. و || الصَمتْ || عنّ خُوفْ الحَكِيّ كآن مسّؤؤلّ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] حتى ملامح بسمتي ضيعوووهااا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]