[مــخــاويــ/ة الذيــب}~]

اقيمت المحاورة الآتيه في مدينة الرياض (قاعة الجلسان) لعام 1425هـ
بين الشاعرين الشاعر الكبير عبدالله بن شايق والشاعر النجم سعيد الفهري





ســعــيـــد الــفــهـــري
بسم (آل معمـر) يامرحبـاً بالضيـوف / ترحيبةً يفطـر الصايـم علـى جودهـا
كان (ابن شايق) مربع في ظلال السيوف / لا يرتعـد مـن بـروقً حنـة رعودهـا
عــبــدالله بــــن شــايـــق
دام البقاء يالمرحب وانت بين الصفـوف / حـرك رياحينهـا وان حـرك اورودهـا
ما يرتعد في وجيه القوم غير الضعـوف / وإلا رجـال المواقـف تقـدح زنودهـا
ســعــيـــد الــفــهـــري
خوفي من الله وغير الله ما منـه خـوف / وابكلمة مـن لسانـي تركـز نهودهـا
يا طير شلوى ترى مالك علي معـروف / يا شجرةً تستعيذ النـاس مـن عودهـا
عــبــدالله بــــن شــايـــق
والنعـم بالله وابـن ادم تمـره ظـروف / والناس تقصد وانا ادري وايش مقصودها
ان رحة وان جيت ما كثر عليك الحسوف / يالشجرة اللي تغـط الشمـس بفنودهـا
ســعــيـــد الــفــهـــري
اظروف الانسان ما بين النقط والحروف / يامكذب الحجه اللي تضحـك اشهودهـا
كانت الاوادم تصفق عندكـم بالكفـوف / واليوم بيـن صداهـا داخـل اكبودهـا
عــبــدالله بــــن شــايـــق
الحمل حمل الجمل ما هو بحمل الخروف / وافريقيا بيضها قامـت علـى سودهـا
الراس ياسعيد واحـد والبقيـه كتـوف / خلـك مـع فرقـة الأفـراد واجنودهـا
ســعــيـــد الــفــهـــري
الحمل حمل السلامه والبلاء في الدفـوف / وإلا سيوف المعـارك تحمـي احدودهـا
اللي تعب (ياعواطف) لو تعبه مخلـوف / ماكـان يبلـش بحاشيهـا ومفرودهـا
عــبــدالله بــــن شــايـــق
انت مصيف لكنك لابسً ثـوب صـوف / جوك ما يعرف حرورة الأرض وابرودها
اللوحه اللي عليهـا يمنعـون الوقـوف / صدمتهـا مـره وحلفـت مـا عودهـا

 

 

 

 

 

 

 

 

توقيع : مــخــاويــ/ة الذيــب}~

يالرياض رحلت منك وفيك ناس زعلانه رحلت واحس اني في فرقاهم حيل شقيانه يالرياض فرقاك اليوم طيح باب الميانه العذر يابنت العم ادري اني حيل غلطانه