[نويـــــر]

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامن ذبحت المحاني من غلاك الجموح=مرابطك في خفوقي ليه خليتها
نسيت مفلاك في ضلع الغلا والسفوح=اللي على طارف أضلاعي تخطريتها
فوّحت دلة غلاتك والمشاعر تفوح=وبن الهوى يحيي الأذهان ويميتها
وصبيت لك من بهار الطيب فنجال روح=ونثرت صبة يميني يوم مديتها
أوجعتني وأنت ماتدري لو إنها مزوح=وفهمت وش مقصدك منها وقاسيتها
ياليت جرح الهوى..لحظات عقبه يرووح=ماكان نفسي على فرقآآآك حديتها
عواصف الحزن هدّت من جفاك الطموح=في كلمةٍ لاآآآوصلت إلها ...تعديتها
أسَكّت الحزن فيّ وتنطق العين بووح=حسبي على دمعةٍ لـ رضآآآك هليتها
خلاص باح العزا لو كان قلبي سموح=يا اول وآخر أماني قد تمنيتها
الحب ماهوب غصبآآ تبي تروح روح=ذبلت ورود المشاعر وأنت ماأسقيتها
قد قلت لك والقسى في عين صدك يلوح=حدك معي بالجفا وماكنك أوحيتها
مبدأ المحبة غرام ومنتهاها جروح=هي كذا تجربتها يوم عانيتها
ماكنك اللي عرفته يالغزال الجموح=حيرتني بأربع أشياء ماتهقويتها
حبك..وداعي غلاك..وغيرتك..والوضوح=ماتت من الحزن وألا وين وديتها
إن رحت عنك تجي!وإن جيت يمك تروح=ياتنهي المسأله وألا ترى أنهيتها
كرامتي مالها إلا أستأذنك بالنزوح=فـ إجمع خطايا الغرام وشبّ كبريتها

[/poem]




حمد البريدي ...