[سمـ المراجل ـو]

أرجوك حبيني على قد ما ابغيـك
ملء السما والارض لبّّـي ندائـي

عينك في عيني شوفي وش كثر تغليك
لو رمشها ينطق تحسي احتوائـي

قلبي في كفك مدري ان كان يكفيك
يكفيـك ولا جيـت كلـي فدائـي

لا تحسبينه قول شاعـر وتكتيـك
لكن اعبر عـن شعـور انتمائـي

وانا انتمي لك واعتبر كل ما فيـك
ايمان اكبر بـه ويكبـر عطائـي

ما اقول احبك لكن اقول اشريـك
حتى اذا كـان الثمـن كبريائـي

من هذي لهذي تحت طوع اياديك
وشلون ما تبغين شكلـي فضائـي

تدرين ودي هناك للبـدر اوديـك
دايم اشوفك بدر يضـوي سمائـي

وتدرين يا كل الغلا وش اسميـك
ودي اقوله بـس يغلـب حيائـي

مشكلتي من قبل انجبر في معانيك
انسان في حالة خجل وانطوائـي

ويبدو لي ضعت بأولك قبل تاليـك
وشلون ما اضيع وغرامك فجائي

ظميانك بقـوه عسـى الله يخليـك
خليني أرمي فـي قليبـك دلائـي

((صوره تمر بخاطري جعلها تجيك
ودي انـا وانتـي نشكـل ثنـائـي))

في الحب وانتي تعزفيني واغنيـك
ويرقص ردائك ويتمايـل ردائـي

يعني ملكتي خلق واخلاق تحييـك
وان كان ما جتني ابعلـن رثائـي

واصيح في قبري على قد ما ابكيك
تكفين هلي الدمـع كلـه ورائـي

 

 

 

 

 

 

 

 

توقيع : سمـ المراجل ـو

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]