04-01-2011, 01:35 AM
|
|
|
الله بلاني فيك وضلوعي ذراك
ياقلب ويش اللي جنيته من وراك دامك موردني دروب مشككه
قمت اتبعك وأثرك تقز الي هلاك وش ذنبه اللي بك مصدق تهلكه
الله بلاني فيك واضلوعي ذراك
وقلب الهواوي كل زين(ن) يربكه
ماترحم اللي مادرى وش هو بلاك حب وجفا والحزن معهم تشركه
أبوالعيون الواسعه شوفه سباك؟ أنا ادري شوفه غدى كنه اشبكه
هي نظرة(ن) وحده وطحنا فالشباك وشلون تبغي عاد قلبي يتركه
يازين ياللي ماتنوصف بالملاك وأستغفرالله من هروج(ن) مشركه
يكفي اقباله يشعرك بالارتباك وقلبك يخالف بين نبضه وادبكه
لوكليوبترا شافت أللي الله عطاك كان استخارت من جمال(ن) تملكه
الله عطاك وميّزك عمن سواك ارجوك وخاف الله قلبي تدركه
لكن قبل لاتروح ذوّقني حلاك ودي أعرف شلون قلبي فككه
قام وتبسم قال شفت اللي وراك قوم انشده وشفيه عينه تعركه ..؟!!
|
