الملتقى الجماهيري للشاعر محمد بن فطيس المري - عرض مشاركة واحدة

الاوسمة · 03-30-2011, 11:26 AM

الله يعين عليكم .. يا حبكم للخصوصيات .. يالبنات .. يا بري حالي .. عزالله برا حالي منكم ..

شوفي .. انشاء الله الكل بشارك .. زين .. بس الحين الاغلبيه طالبين مني انك تجاوبين اول

انت على الاسئله .. هاه وش قلتي ..

الشئ الاخير أما انا .. ابشري مشارك مشارك .. والله يا فيه علوم وعلوم ..

من ناحية الحلاقه .. الموس ومكينة الحلاقه في جيبي ... وان كان عن المضاربه وما أدراك ما المضاربه ... يا كثر الشوارع المرسومه في وجهي .. وان بغيتي ارسل صوره لك وللمشاركين ابشري .. وان كنّتي تبين وصف تقريبي وتشبيه فلا مانع من ذلك فأنا ماني بعيد من صديقي عبسي أكيد عرفتي عبسي ..

أما شخص مشهور تمنيت أنك أنت مكانه ؟ بصراحه ناس كثير .. فعلا ما أبالغ .. في كلامي .. لو فيه مجال شرحت كثير ....

الزواج وما أدراك ما الزواج .. بصراحه الزواج زين رحمه واستقرار والحريّه ما هي بشينه .. لكن الاكيد متى ما جا النصيب تأكد أنه أبتدأ عمرا جديد .....

في الرياضه وممارستها .. الصحه والعافيه ..
وأنا بصراحه أحب السباحه وأحيانا ممارسة المشي لمسافات طويله ...
فريقي المفضل .. الهلال ولكل رؤسائه التقدير والاحترام وأخص أميرنا المحبوب عبدالرحمن ..

التفحيط . . للامانه يا أخوان ويا أخوات ما قد جا في بالي ولا فكرت فيه .. أسمع الناس يقولون فيه تفحيط في المكان الفلاني

وفيه وفيه ... وأنا أطنش وما كني سمعت شئ . ..

هل عاكست بحياتك ... للامانه هذا السؤال يسبب لي عقده فوق ما تتصورين .. ودّي أغازل لكن ما عرفت .. الله يخليكم لا تضحكون .. والله اني صادق ابي احس اني رجل لي جاذبيّه وأني أقدر أسوي مثل فلان وفلان لكن الحظ عاثر .. والله صدق ما لي حظ في هالمواضيع .. حاولت أقلد كذا واحد في طريقة المغازل لكن صارت لي مواقف محرجه .. والله لو أقولها .. الظاهر بزيد عدد المرتادين للمنتدى .. دبل ..

هل تتمنى عيالك يصيرون مثلك ؟؟ بصراحه فيه اشياء انشاء الله يكونون فيها مثلي واحسن بعد .. وفيه أشياء اتمنى يكونون فيها احسن مني بكثير أهم شئ تكون في رضاء الله سبحانه ..

الشئ الاخير : تجاوبت مع دعوة اختي الغاليه (بري حالي) وللامانه البنت هذي تعني للمنتدى الشئ الكثير .. ما شاء الله عليها تفاعلها واضح ونشاطها واضح ومشاركاتها مميزه وطلّتها علينا مميزه وهي أصلا مميزه .. انتظروها فهي قادمه بقوه .. تقبلي مروري حماك الله ...

اتمنى من الجميع المشاركه .. هذي دعوه للجميع ..