رح مدامك ناوي تروح ورجـع لابـغـيـت
ماعلـينا منك غيرك يـنـسـيـنا غلاك
غرتك دنياك ون كان مع غـيري سليت
لاتشيل هموم قلبي عسى الدنيا فداك
طالبك تقرى القصيده عشاني بيـت بيـت
دام مافكرت تسأل ولا حتى طراك
تدري انـك متعب القلب ولا مادريت
مادريـت أني تعذبت والسبه جفاك
ياوليفي والله أني من الفرقا بكيت
وين بلقا اللي من الناس ياصل مستواك
أنت الاول في حياتي تراني مانـسيـت
والله أن ابطي وقلبي يحبك مانساك
لوخـذيت شـهور وسـنيـن ولا ماخذيت
مالـقيـت أنسـان يازيـن بالدنيـا سواك
الزمان بخـيـر ولا انـت ماعمرك وفـيت
ماوفيت لشخص ضحا بعمره في هواك
ياوليف الروح كم ليل لعيونك سريـت
ماحسبت حساب طول المسافه والهلاك
لو قسا قلبي بحبك تراني ما قسيـت
أنـت كـل الناس عنـدي وفي قلبي ملاك
بقلمي
