الملتقى الجماهيري للشاعر محمد بن فطيس المري - عرض مشاركة واحدة - بنات ممكن شوي ابيكم بكلمة راس ،، ممنوع دخول ....

الاوسمة · 03-26-2011, 10:38 AM

حبيباتــــــــــــــــــي ،،

الان جاء دوري اسمعوا الموقف واحكموا علي ..

وقبل ابدأ احب اقول لكم ان البعض ظن في ظن مو زين
وانا كنت متوقعه لكن قلت يمكن يتهيأ لي وانا
احب اقول لكم ان ضيوفي ما جو عشان

الي في بالكم لأني وبمنتهى الصراحه متزوجه يعني ظلمتوني شوي وصيح

الموقف بالتفصيل ..

كان عندنا عمي والد زوجي وكان مريض وكل يوم يجي ضيوف لكن من بدري الا هذاك

اليوم جاء جدي عم امي وهو عنده السكر والضغط وعمي قلبه تعبان يعني اثنينهم

لهم اكل خاص وجاء جدي بعد الساعه عشر على اساس يسلم ويمشي مباشرة وكان

معه ابنه ولزمنا عليهم يتعشوا معنا وماتوقعت انهم يوافقو والله ورطه لأن عشانا كان

خفيف لكن اللحين لازم ادبر نفسي والموضوع كان صعب لأني مقيده بالوقت وانا وعدتهم

قلت في اقل من ساعه ويكون عشاكم جاهز .. قولوا من قالك تدقيتن الصدر .. واقول

لكم والله ماتوقعت انهم يقعدوا اول شي وبعدين حرام جدي كسر خاطري قلت يمكن

تنفتح نفسه وياكل لأنه من فتره ماياكل زين لين طاح من المرض المهم قمت خرجت دجاج

وبسرعه صبيت عليه مويه حاره من الغلايه .. الله يخلي لنا التكنلوجيا .. وبسرعه ضغطت عليه

طبعاً المرق مهم حطيت كل بهار المرق المعروف وبعد استواء الدجاج قسمت المرق قسمين

قسم للرز وقسم اضفت له لبن وشوي هرده اقل من ربع ملعة الشاي وتطبخ على النار

واهم شي طعم المرق لا يفوتكم مرهـ جناااااااااااااان المهم الدجاج ممكن يتحمر بعد

وضع الهرد وممكن نتركه مثل ماهو لجل الكليسترول وبعدين ناخذ الخبز اللبناني او قرصان

البر الي موجوده بالسوبر ماركت وبعد مايقطع الخبز يفرش في صحن التقديم وبعدها

يسقى بالقليل من المرق ثم يغرف الرز الأبيض على الخبز ونضع الدجاج ويقدم مع المرق

بعد ما يزين وجه الرز بالبقدونس والصنوبر والمرق كل ضيف يصب على الرز حسب طلبه

الأكله هذي اسمها المنسف وهي اكله اردنيه وتعمل في المناسبات وانا تعلمتها

من ستي الله يطول بعمرها جربوها صدقوني مره جنان وميزتها انها تناسب الكل

طبعاً هي باللحم اطعم لكن وش نسوي بالشياب عسى الله يطول بأعمارهم

ويخليهم لنا ..

وش رايكم حبيباتي بالموقف والأكله اكيد انا طباخه قولوا وش هالثقه

الزايده ههههههههههه وعلى فكره حصلت لها صورة عشان افتح نفسكم للأكل ..

همسه للطباخات جربوها وعلموني وش رايكم بالطعم

وبعدين سووووها للشياب عندكم عشان اقول لكم