[الله يجازيك]

السلام عليكم ورحمة الله وبركاته

قصيدة للشاعر المبدع عبدالله السراهيد

أن شاءالله تحوز على رضاكم

مع السلامة ونتقابل على خير***وإن كان ماشفنا بعض حكم الأقدار
ماصايرً مني ولايوم تقصير***وذكراك تبقى لو يطولنّ الأعمار
عطيت عيني في موادعك تحذير***خايف تحس أني بغيبتك منهار
قلت أصبري ياعين والصايريصير***طلي على جفوني لياصار ماصار
جاني يقول أدع الله ألقى التياسير***قلت الله الله والصدر مشتعل نار
مالي حكم من فوق حكم المقادير***وأمال عمري كّنّها عج وغبار
تجّمعت مثل أجتماع العصافير***وتطايرت مثل أبرق الريش لاطار
ياليل ماتقرن ولاتشبه عصير***تاتي بالأحزان ويجيني بالأسرار
تبغى الحقيقة كلكم مابكم خير***ومجاملي معكم صفر قاعد يسار
لو العقل تنزاح عنه التفاكير***ماجابلي حزني على الوصل تذكار
ولاهزني مع طلة الصبح هالطير***لامن سجع غّنيت وأبدعت الأشعار
هذا هو ألي كان جوي معه غير***وهذا هو ألي صمّل ويبغى الأشوار
صمّل على الفرقا ويبغى الأشاوير***وأنا وقفت بموقف الهجر محتار
يامنوتي لاتشغل الفكر وتحير***أخترت بعدك وأنت أظنّك بتختار
فمان ربّي يالنفل والنواوير***عسى حياتك كلها ضي وأنوار
وأنا بعيش ولو تخون التعابير***حالي كذا وهمومي كثار وكبار
بقول من قلب نتقابل على خير***على رجا وصلك لو تطول الأعمار