[عيوني حزينه]

يامرحبا ترحيبة البدو بالبرق
اللي لهم عامين مارحبوبه
رحبه اوسطهم ومن فرحته غرق
جفنه بدمع بلل اطراف ثوبه
البرق شرق وهو له صويحب شرق
وبرق بصدره بارق مادروبه
ياللي سرقت النوم والعافيه سرق
يازاد قلب اللي هواك وشروبه
ميزة حبيب القلب يطلع لها فرق
وحتى عذاريب الحبيب محبوبه
تغيب ماهمك وانا اللاحي الورق
ولاتخاف من الجفى والعقوبه
الوصل مرهم كبد ولا الجفى حرق
والصبر ينفظ في غيابك جيوبه
كسرت كل ابواب وصلك من الطرق
وغيرك طرق قلبي ولاني بصوبه
واللي يريد الوصل يامكثر الطرق
لو وقفوا كل العرب في دروبه