[|| بـآإشـة آلغـيًد ≈]

[،]







الصدر ضايق والجفن سد عالي
يحبس وراه أسرار وأحزان ودموع


أجلس مع أخواني وكنّي لحالي
أتصنّع البسمات والقلب موجوع


وأنا كذا من سبعة ايام حالي
من بعد ذاك إللي هجرته من اسبوع


له أربع سنينٍ وهو راس مالي
ويمشي معي دايم على السمع والطوع


ياكان يعشقني ويعشق ظلالي
وياهو في موق العين والقلب مطبوع

أذكر مواقف بيننا في خيالي
ثم اتبسّم وأكتم الدمع واللوع

مليت من تمثيل دور المثالي
إللي يشوف الشوق والحب ممنوع

ياخوي أنا مانيب رجال آلي
هيكل من الفولاذ والصلب مصنوع

صحيح أكابر لو الأحزان فالي
وأتظاهر الشبعه وانا ميتٍ جوع

لكن إذا حنيت لأنسان غالي
طبعاً بحس بحالة الضيق والروع

تبغى الحقيقة عاد؟ ماكنت ابالي
كنت أحسب أنه يشبه الغير فالنوع

ويوم فقدته قلت شللي جرا لي؟
وقام الخفوق إيوّن وابصوت مسموع

وشفت الليالي غير ذيك الليالي
شفت المجرة لكن البدر منزوع

أحيان أعزز في لقاه إحتمالي
وأحيان احس أن الأمل صار مقطوع




صح لساان كاتبها
وقصييييدة جدا راقت لي ~

 

 

 

 

 

 

 

 

توقيع : || بـآإشـة آلغـيًد ≈

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]