[سااهر]

.
.
ما بقي في صفحة الماضي سطور
كل حرفٍ إنكتب فيها اختفى

وأجمل النسيان نسيان معذور
لا عتاب يستحقه لا وفا

ما عرف كيف التعالي والغرور
لا ولا كيف المخاصم والجفا

ما شكى همه على ما به صبور
لا تكدر وقته الجاير صفا

حتى وأنتي غايبه كان الحضور
كل ما عنده عطاك وما كفى

من يلومه لا فقد صدق الشعور
والغلا نوره مع الوقت انطفى

كنتي بهجة دنيتي وأرض السرور
فز قلبي في قدومك واحتفى

كنتي أحلامٍ مثل لون الزهور
في شذاها رقة إحساس ودفا

كنتي أعذب من تغاريد الطيور
همستك رمشٍ على جفنه غفا

كنتِ بمسرح حياتي ألف دور
كنتِ أجمل من على الساحة لفا

غرتك دنياك والدنيا تدور
من رقا في قمة أوهامه هفا

هذي قصة حب كانت في سطور
جرح ماضي طال وقته ما شفى

.
.
-

#شعر
عبدالله بن سمير الحربي
.
.

 

 

 

 

 

 

 

 

توقيع : سااهر