مرحبا ياصاحبي راع النصيحه
والغلا بالقلب ترجمته نصايح
من سببها هاضت الليله قريحه
وادري انك ماتبي منها مدايح
طيحيتي ياصاحبي ماهيب طيحه
حتى لو قالوا عضيب اليوم طايح
القدر ماينقده حتى جريحه
عزتي للي من الاقدار صايح
مؤمن بالرب واعلنها صريحه
خافقي ماحسفه ماكان رايح
اطلب الله واحمده ثم استبيحه
من ذنوبي واطلبه ستر الفضايح
هاضني مقطع به علوم صحيحه
والف شكر لك على هاذي النصايح
