أنا بعد العطالة واحتياجي بانت الأيام
عرفت فرق خلق الله مابين فلان وفلاني
مجالس وإستراحه والسوالف فيها خاص وعام
تبيّن لي بعدْها من هم أصحابي و عدواني
وطبع الحرّ مايرضى الغليبة مستحيل يِضام
لكن ماقـول إلا كثـّر الله خيـر ماجانـي
عسى الله يسعد الطيّب ليامنّه جلس أو قام
ولادوّر عصى موسى ولاخاتم سليماني
آجرّ من اللحون السامريّة والحياه أحلام
مادام إنّه هجوسي حيّ صح الله لساني
