الملتقى الجماهيري للشاعر محمد بن فطيس المري - عرض مشاركة واحدة

#1 03-21-2014, 11:13 PM

المشكله لاصرت .. محتاج .. لإنسـان
بالحيل محتاجـه وهـو ماشقـى فيـك

والمشكله وأكبـر مصيبـه إلـى الأن
إذا عشقت إنسـان يرفـض مباديـك

والمشكله لأشقيت نفسك علـى شـان
إنسان (مايسـوى) تعبـك ومماشيـك

والمشكلـه لأعطيـت قلبـك لخـوان
همـه كـذا يلعـب .. وثـم ٍ يخليـك

والمشكلـه لاصـرت بالحـب ربـان
والمـوج خانـك ثـم خيّـب هقاويـك

والمشكله لاكنت .. مانمـت سهـران
لجل ألذي أصغـر طموحـه .. يبكيـك

والمشكله لاكـان هـو قـرّ الأعيـان
تشتـاق لـه دايـم وتلقـاه جافـيـك

والمشكله (وأكبر قهـر) إن الاحـزان
ماتلفـي إلا مـمن يحـبـك ويغلـيـك

والمشكلـه خِلـك تجازيـه بإحسـان
ثـم تكتشـف انـه بغـدره يجازيـك

والمشكلـه لاقـال انـا وأنـت خـلان
ولا دار ظهره أعـرف الخـل ناسيـك

والمشكله لاطحـت بإنسـان وإلسـان
يزعلـك مـره ثـم يرجـع يراضيـك

والمشكلـه يانـاس لاكنـت غلـطـان
ودك تصحـح موقفـك بـس ينهيـك

والمشكلـه لازاد صبـرك بـالأزمـان
ولاقلت هانـت منـه كثـرت بلاويـك

والمشكله (موقفك) من صاحـب ٍ بـان
أتفه سبـب خـلاه يركـض يخاويـك

والمشكلـه لاكنـت بالحيـل مرضـان
وإدواك مع خلـك ويرفـض يداويـك

والمشكلـه لاكنـت بالحيـل ولـهـان
ودك بقربه.. بـس !! مـاوده يجيـك

والمشكله لاكنـت لـي حيـل شفقـان
وتلومني ومدري انـا كيـف أداريـك

والمشكله (وأكبـر جريمـه) إذا كـان
خلـك يحـب إنسـان دايـم يعاديـك

والمشكلـه لاغنّـو النـاس يـادآآآن
(والحـزن مآلـي بالليالـي مخابيـك)

والمشكله لاكنت فـي بعـض الاحيـان
تلقـى مـن يشـوّه بفكـره معانيـك

والمشكلـه حظـك إذا كـان تعـبـان
أكيـد يظلمـك الدهـر ثـم يشقـيـك

وياشينهـا والله اذا طحـت يـافـلان
بين المشاكل كيـف تَثبـت خطاويـك

بس الأكيد أصبر .. ترى الصبر عنوان
وأعرف ترى لابد فـي يـوم ينجيـك

منقوله

المصدر: الملتقى الجماهيري للشاعر محمد بن فطيس المري