[علي المحوري]

ياحزينه"

يا حزينه وين ذاك النور وينه
خاطر المكلوم لا لا تكسرينه

كم شكى ليل المواجع من عذابه
كل مايغشى السهر هجر السكينه

الحزن ريحه تذاريها ذواري
و خافقي يهوى رياح معذبينه

لو ذبحتي عاشقك مره! عوافي
ما هقى انك الف مره تذبحنه


ياحزينه"

حطمت كلمه امانينا و ماتت
واستفاق الحلم من غفوة سنينه

فرقتنا فالهوى كثر المواني
عقب كنا اثنين في نفس السفينه

عقب نورك غاب عني يا حزينه
غاب شوفي وانطفى نور المدينه

اذكريني لا رخا ليلك ستاره
و اذكريني لا غشى قلبك حنينه

وان ذكرتيني وجاب لي حنينك
الوفى باقي على ما تخبرينه"


وآآآهـ من ليل المواجع!!..ياحزينه