01-27-2014, 03:03 AM
|
|
|
لعبة النار
سرى الليل.. يا من.. ضيّع الليل بالتمثيل
بقلبك كلامٍ.. ما تبيهم يعرفونه
وأنا فاطنٍ لمبعثر الكحل والمنديل
وخدٍ تورّد، بالخجل واختلف لونه
وزفراتٍ أخفى من عتب وردتين وليل
على حالمٍ يشرب نداهن على هونه
أحنْ المشاعر من تعب رحلة التحليل
خيالي جريح.. وساحة العذر مسكونه
على الهون.. ياللي من خلاك بخلاك تشيل
على عاشقٍ تقرأ خفاياه بعيونه
تهادت على دافي شواطيه غربة جيل
غريبة قرار.. بلعبة النار مفتونه
بغيتك تعيش الدور واتعبني التفصيل
تعب عاقلٍ راهن على أحلام مجنونه
كسيتك ترف واستغربت عينك التدليل
مواري غرور.. وحسن ظني هفى دونه
تعلّمت فن معاند الجرح للتجميل
ملامح سلام.. ولثغة الحرف ملحونه
غصن الخصوصيات يومي بها التدويل
أخاف الورق.. تسري به الريح وتخونه
...
..
.
الشاعر/ ماجد الشاوي
.
.
Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1
-
|
