[حماد الشملاني]

اسعد الله ايامكم

/

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

فارس زمان اول على الظلمه يدوس= بين العرب بالصيت مرفوع شانه

واليوم صار اللي معه كومة فلوس = بعيون خلق الله فارس زمانه

ماعاد لك مقدار : ياقاطع الروس = لو تلتفت بالسيف وتقول عانه

تسابقو عكف الشوارب على الموس = وكلن مع الايام ضيع مكانه

خضر النخل مبطي نهش عرقه السوس= والعالم اصبح تحت حكم وبطانه

واللي من اول حاس روس العرب حوس= اليوم رومنسي وفاقد حنانه

يامتحري لـ صبح والليل فانوس = خل الصباح وغن ياليل دانه

دام الدراهم ساوت الروس بالروس = كلن على ماقيل فارس زمانه

[/poem]

حماد الشملاني

 

 

 

 

 

 

 

 

توقيع : حماد الشملاني

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] شاعر ومثل لابتي عند الاجواد = ومن عادتي مسلك دروب الفشيله يعني ليا العاذل :- طعن بـ (سم حماد) = قولي لجل حماد قامت : قبيله [/poem]