عــــــــزي لمن قلبه عليلٍ ومجروح @ وعزي لمن همه سرى به وعنّـــــــاه

ياجرح تكفى وش بقى راحت الروح @ ياجرح غابت فرحتي وين ابلقـــــــــاه

ياما بكيت وطال ليلـــــــي مـع النوح @ وياما من التعذيب عشت المعانـــــــاه

ارفق علي ياجـــرح ياجـرح مطروح @ من لي زمان ووقت عايش مــــع الآه

أمشي بهالــــدنيا علـى غير مصلوح @ وقلبي يلوفه زايد الهم ويـــــــــــــلاه

همي عشيري صاحبي وين ما اروح @ ما به طبيب معالجٍ غير رحنـــــــــــاه

قالوا قــــدر مقسوم لازي مع الروح @ قلت ارحموا هاتوه وش هو وش دواه

قالوا تعذب طــــول عمرك ومسموح @ لو نحت لو عانيت عمرك بليّــــــــــاه

للشاعر/
عمر عبدالمحسن