تغـــيرت فــجأه عـــلى ناسٍٍ يعزونك
لا أنــــته أنـته ولا الـنظرات نظراتك
مدري صراحه وش اللي حاصل بكـونك
لا هذا طـــــبعك ولا هذي بــــعاداتـــــك
وش غيــّرك يـا بـعد مـن هـم يحـــبونك
فضفض همومك ترانا ســــــرك وذاتك
لو تخفي عنا شجونك .. تحكي عيونك
تفضح شعورك وتسرد كل مـــعاناتـك
لا الحزن طبعك ولا هاللون من لـونك
يالله تكـــــلم شغــلــت الفكر بسـكاتك
حرام تبقى رهــــين الصــمت بطعونك
وتبقى وحيدٍ أســــــــيرٍ في مـداراتك
لاحظ وجومك يــبلور خـافي مضمونك
حتى ســكوتـك يــأكــد فـــيك ثــوراتك
ريحنا يالله..وش اللي مشغل اظنونك
عسانا محنا سبب ضـيقك وآهــــاتك
تكـلم دخـــيلك وريّــــح من يـــعزونك
تـرانا وربـك تشـــــــــوقنا لـبـسماتـك
للتواصل معي تويتر
sss3531@
وفر كلامك وورني عرض الاكتاف
قلبي كره هجرك ولا هو بمجبور
ترى القلوب بطبعها شي شفاف
الكسر فيها صعب تلقلى له جبور
ولاتحسب اني من الهجر بخاف
ياشيخ خذ حبك وقلبك ومشكور..!!
