والله مانسى بوكك اللي ابمخباك
أول سنه مرت عليه بلياك 000 ياشينها من بد كل السنيني
ما كنت احسب انه كذا مر فرقاك 000 ياشيب عيني منه ياشيب عيني
ياكثر مانسى وانشغل واتحراك 000 انسى الحدث واعيش هاك الحنيني
أيام لاغبتي دقايق فقدناك 000 قمنا اندور عنك متضايقيني
نسرح ونمرح في حياتك ودنياك 000 رغم الشطانه مااذكر اتهاوشيني
انتي ابونا وامنا من عرفناك000 مااذكر رقدنا ليلتن جايعيني
والله مانسى بوكك اللي ابمخباك 000 من كثر مااذيتك بيمه عطيني
واصحى من اوهامي وافكر بماجاك 000 واقول لايمكن بعدها تجيني
ويضيق صدري وانتحب عند ذكراك 000 وابكي ويبكي كل من حس فيني
أنا اليتيم اللي خذا منك مااعطاك 000 مغنيك ربي قبل لاتعرفيني
ماجاك مني غير تقبيل يمناك 000 شعطي وخيرك كل مافي يديني
لو تنهدى الأعمار قدمت لرضاك 000 عمري وكل اللي ملكته يديني
والله لفدي كل عمري لماطاك 000 واني لوصي فيك حتى جنيني
مافي يدي حيله ولاني بوياك 000 الا دعا الحيين للميتيني
عسى الولي من لاهب النار ياقاك 000 انتي وابوي وجملة المسلميني
ويرفعك في جناة عدنن ويرعاك 000 وانا يجي لي في فراقك عويني
لشاعر الكبير الغايب الحاضر : سعود الردعان
وما من كاتب ٍ الا سيفنى 000 ويبقى الدهر ما كتبت يداه ٌ
فلا تكتب بخطك غير شيئ ٍ 000 يسرك في القيامة ان تراه ُ
|
