[ابراهيم محمد العنزي]

بسم الله الرحمن الرحيم

السلا عليكم ورحمة الله

اهديكم هذه المتواضعه عسى ان تنال اعجابكم


سجن الهوا


لاتلزمين الصـمـت والـصــمــت قتال // ردي علـيّ الصـــــــوت لا تـذبحـيـني

x

امـا غـــرام ٍ فيه تحقيق الامـــــــــال // والا افتحي سجـــن الهـوا واطلقيني

x

الطير ماله عيشة ٍ دون ترحـــــــــال // وانا تعـبت من الرجـــــا ســـامحيني

x

ان كان قصدك بس تـعـــذيـب واذلال // يكفي عـــذاب ٍ من زمــــــاني يجيني

x

يـامــا هــدانـي وقتنا كل غــــــــربال // وان قلت هـــانت عــــاندني سـنـيـني

x

من يوم عاشق غرتك ضمن الاطفال // كل الجــــروح الـقـاســـــيه تهتويني

x

واليوم جـــرحك بين الاضلاع لازال // والواجـــــب انك رحـــــمـة ً تحتويني

x

انـا هــويتك يـابـعـــــــد كــل الازوال // وشـــلـون؟ كيف؟ وليش؟ لاتسئليني

x

حب ٍ تســـــــــاما عن رديات الافعال // لين ارتـقـى مـابـيـــن قلـبــي وعيني

x

ســـود ٍ هـدبــها له على خدك ضلال // ماعاش منهو طــاح منــــــها طعيني

x

لاناظـرني يضرب الحـــال زلــــــزال // كــم واحـــد ٍ بـالـقــــبر منـــها دفيني

x

لولاك دمعي فوق الاوجـان ماســال // ولا ذبلـــت مـن الـهـــــــوا والحنيني

x

لاتجعلين الكون بعيـــــوني اطــــلال // خــــوذي غـلاي ومن حنانك عطيني

x

x

x

الشاعر/ ابراهيم محمد العنزي

x

x