الملتقى الجماهيري للشاعر محمد بن فطيس المري - عرض مشاركة واحدة

الاوسمة · #1 03-28-2013, 08:12 PM

جُملة مُفيدة

جُملة مُفيدة
..............
منصور الرويلي
.
..
.

أطلقت لافكاري لجام الاعّنه

حتى تبلور من نسمها قصيده

قررت أقطّع قيد الافكار لّنه

يزهِد ليا حبْسِّت نفوس زهيده

دام الجمال أغطاه والشعر فّنه

أمنتك الله يا الافكار العنيده

طيف الخيال بغيهن وهقّنه

في ظرف نظره الف فكره جديده

روحٍ تبوح السر.؟ روحٍ تكنّه

من كنتّه للبوح صارت تسيّده

أما فهمت اللي ذكرت ونسّنه

والا أكرر ماتقول وتعيده

لقيت عذرك للمواعيد كنّه

يقول ماكانت وعّوده اكيده

خيول فكري قيدهن حطمّنه

وبين الرجا والياس حطمت قيده

أطلقت زرقن وبلهن سيلنّه

مقسوم لي لو كان ماكنت أريده

خانن رموشٍ دمعهن وقفنّه

ياصعب والله دمع خطو الوليده

رجيتهن مايرسلن وأرسلّنه

حتى غرق خدي بنار الوقيده

حسبي عليهن بالعهد خونّنه

وخانتني الدمعة وصارت شريده

لمحتها من فوق رمشٍ بلنّه

نظرات (....) خان في عهد سْيده

آهات صدري والجروح الاسّنه

تزارقن صدري بغصت وريده

عزيت خفاقٍ همومه حدّنه

شح الوفا وخان العضيد بعضيده

عزاه من جور الليال أبعّدنه

يلين لو قلبه سوات الحديده

لا صار ماهدومك جسدك أسترّنه

من عاد ترجي هم قلبك يفيده

كلن على الثاني حسامه يسّنه

ملعون راعي التفرقه والمكيده

مثل الجميل اللي تقفاه مّنه

حت الورق والريح صاح بجّريده

الاسئله وحلولهن دوّرنه

وضاع الجواب بظل جمله مفيده

.
المصدر: الملتقى الجماهيري للشاعر محمد بن فطيس المري