احس نظرات الهوى تذبح الروح
يوم انظر بعين الحبيب السحاوي
اللي غلاه يشيد بقلبي صروح
جوف الخلايا دورها بالتساوي
راعي القوام الزين والخد مملوح
خده مثل نجم على الكون ضاوي
مهما يسوي داخل الروح مسموح
حتى لو يبرز عليها المكاوي
الحب كله في حناياه مشروح
والضيق كله في حناياي هاوي
مطروح حبه فالمعاليق مطروح
عذب خيال مجمعين الحكاوي
وانا معه با اروح با اروح با اروح
اللي بقلبي صار نجم سماوي
