السلام عليكم .... اخترت لكم ابياتي الشعريه واتمنى تحوز على اعجابكم
خل الجفى ياصاحبي واسمع ادعاي
قدني على طيفك وروحي تهذري
ماني بداله عنك وانته بممشاي
حبن عفيفن والهوا فيك عذري
هجرت نومي والبشر والمعشاي
قسم احبك وانت ياصاح تدري
-----------------
وش حيلتي لابحت للناس اسرار
كله سبايبك وبسبة صدودك
تارد هواجيسي وتغزي الافكار
ويطري عليه من كلامك وعودك
-----------------
مافادني كثر الرجا والتنهات
نهيتني ياقلب ما طعت شورك
ياصاحبي لاشك لليوم دورات
صبرك على الايام ويجيك دورك
