[متعب الثقيل]

السلام عليكم ،، مساكم الله بالخير جميعاً


__________________________


على نار الشقى والضيق , وكشف الخافي المستور
على عبرة زفير الهم ،، وجـــرح ٍ عيا لايبرى



ضرير وعايش بظلما , وحلمه فالحيــــاه النـــور
يحاكي واقع نعيشه , مع الأحلام والذكـــرى



سريت أحقق أحلامي , رجعت وخاطري مكسور
كرهت الليل , لاعــــادت كآبة ليلة المسرى



على الله ياغـّلا آمــالي , وصفي بآخر الطــابور
في هالطابور , قدامك بقايا أحلامي العذرى



تأملت بزمـــاني خيـر ,، لكن ماهقيت يبـــــور
آثاري بوقتنا الحاظر , يباع الطيب مايشرى



قلوب الناس وش جاها , بدت تجرح بدون شعور
بدت تطعـن وعنـد الجـــد ،, تتنكر وتتبرى



بســاير حظي العـــاثر ،، برتب كل شي منثــور
مادام الوضع ذا وضعي ، أنا أحله وأنا أدرى




بروض كل ثيران الحسد ،، والثــور ينطح ثــور
وارد الصاع لاهل الصاع , لجل الكذب يتعرى



أبسدل صفحة الماضي ، وببني للآمال قصــور
كفايه ،، راحت سنيني وأنا واقف وأتحرى




إذا لازم أنافق ناس , وأكسب فالشعر جمهور
مابي شهره ولا جمهور , وجعل الجرح مايبرى


وسلامتكم
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،