[غشام البراق]

السلام عليكم ورحمة الله وبركاته

عسى احوالكم بخير واعتذر عن الغيبه الدنيا مشاغل والا انتم دايم على البال
حبيت اهديكم اخر قصايدي واتمنى تعجبكم


البارحه ياصاحبي ماتبيني

النوم جافا العين وامسيت ناطور

سويت يامحبوب قلبي وعيني

من شان قدرك اعذب ابيات بسطور

خليتني من لهفتي والحنيني

عليك يامضنون عيني بلا شعور

الله واكبر كيف صرنا ثنيني

وانت الذي ياصاحبي داخل السور

سور الخفوق الي عليكم متيني

عازلك عن غيرك ياسيد الحور

عل وعسى عقب الجفا تحتويني

قدام لاصاحبك لايسكن قبور