[habeeb alqurni]

السلام عليكم ورحمة الله:
من أرشيفي المتواضع .. رثاء كفّ العطاء والخير الأمير / سلطان بن عبدالعزيز (رحمه الله) وحشرنا وإيّاه ووالدينا جميعاً مع الصدّيقين والنبيّين والشهداء والصالحين

مرثيّة: /-/ مرحوم يا شيخٍ سكن في ثرى العود /-/
[poem=font="simplified arabic,6,black,normal,italic" bkcolor="transparent" bkimage="" border="none,4," type=2 line=1 align=center use=ex num="0,black""]
أشغلتني يا فكر سجّات وشرود=اليوم يوم الشعر يوم القصايد
عطني زماهيرٍ تسابَق مع النّود=هبّت علينا عاصفات النّدايد
وجدٍ يشبّ البحر ويزلزل الطّود=صوتٍ يسكّت مرجفات الرّعايد
موعود يا قلبي بالاحزان موعود=مرهون سعدك بالكدر والنّكايد
في يوم عيدي حاجب الوجد معقود=مابه فرح والّا ونيسٍ يعايد
مرحوم يا شيخٍ سكن في ثرى العود=يَكرَم جبينك عن مهيل اللحايد
ياللي ارتضاك المجد غايات وحدود=واضحت نباريس المعالي عمايد
إنجاز في إيجاز واعجاز مشهود=إرثٍ يورّث للقرون الوعايد
طاعة ، وشور ، وحفظ مدّات وعهود=وعزوم ما ترضى بغير الفرايد
مسكَنْك جنّاتٍ بها الظّلّ ممدود=في عالي الفردوس عيشك رغايد
ويجعل مباتك روض وانهار وبرود=وازكى الأطايب تحت راسك وسايد
يرثيك يا (سلطان) .. نهرٍ من الجود=عدٍ ولا تمضي عليه الشّدايد
يرثيك .. دمع الطّفل ، والشّيخ ، والخود=ودْموع ثكلٍ عند بابك نشايد
يبكيك .. ذربٍ حِطّ بايدينه اقيود=ذلّيت وقتَه بالغيوث المدايد
يبكيك .. مسقومٍ ، ومضني ، ومجهود=كانت لهم كفّك سنود وضمايد
يا عين هلّي كادرٍ من لظى المود=هلّي حميمٍ فوق خدّي وقايد
دمع الرجال اليوم مَهوب منقود=ما دام في راعي الوفا والعوايد
ويا نجد ياللي كنتي اسهود ومْهود=عقب الوداع اضحت فجوجك لدايد
ويا طير ياللي كنت بالجوّ مهدود=ماآلوم جِنْحك لو يعاف الهدايد
الحزن غار وصرت يا طير مصيود=زلّ الطّرَب .. وش عاد لك بالطّرايد
ويا ورد ياللي كم تمايل بك العود=النّحْل عافك يوم شافك سجايد
ويا (سارعي) لا تسألي بيرق الذّود=عن لونه الباهت ولحن الوجايد
ضحك السّعادة عقب (سلطان) موؤد=والفَقد غاراته علينا حشايد
لو ادري انّ الدّمع بيردّ مفقود=لااجهد عيونٍ في غيابه سهايد
مير الأجَل في لوح الانسان مفنود=ماحْدٍ عن المقسوم لحظه يحايد
[/poem]


وسلامتكم

 

 

 

 

 

 

 

 

توقيع : habeeb alqurni

[poem=font="Arabic Transparent,5,seagreen,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""] بهيت يا ورد الشتا .. من يبيعك ؟!=طينك رماد الصيف والثلج غطّاك جفّت خدودك قبل طلعة ربيعك=طوّل صيام العود يا ورد واظماك صابر على وقتك وعيّا يطيعك=يا عزّتي لك .. كيف ذا الوقت ما افنااااااك ..!!! [/poem]