[متعب الثقيل]

السلام عليكم // مساكم الله بالخير جميعاً

متواضعه جديده ،، إقبلوها بقصورها

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

[poem=font="simplified arabic,5,purple,bold,normal" bkcolor="white" bkimage="" border="solid,4,purple" type=1 line=0 align=center use=ex num="0,black""] مبطي وانا آعيش الشقا وآسهر الليل=مجني علي ، وآصبحت مجرم وجاني
اقدع عنا ، واشرب همومي فناجيل=والوقت الأقشر ، سم جرحه سقاني
الوضع نفسه ، ماحصـل فيه تبديل=كم لي وأنا أحلم وآتأمل ، وآعــــاني
ولا تحقق غير ،، حــزن وغـــرابيل=ضاعت سنيني ، ياسراب الأمـــــاني
أحد ٍ جفاه النوم ، ودموعه تسيل=وأحد ٍ تلذذ في منـــــامه ، وهــاني
يموت حلم ، ويمسح الدمع منديل=يعيش جـــرح ، ويستقر فالمحـاني
على كثر ماشفت ضيق وتهـــــــاويل=آضحك ، ورجلي فوق غــارب زماني
ماينحني راســي ،، ولا أهّتز وآميل=ومازعزعت ريح العـواصف كيــاني
بي عزة ٍ ، ترقابي الجدي وسهيل=ومن عادتي ، مابيع منهو شراني
ياللي شكيت الهم والضيق والويل=عمر الفرج ماجاك من شخص ثاني
طب المواجع ، فالدعاء والتهاليل=إدع الذي بامره ، تسير الـثــواني
يعيش جيل ويندثر ثم يجي جيل=يثبتلك إن العمر لو طال ، فاني
[/poem]
وسلامتكم
،

 

 

 

 

 

 

 

 

توقيع : متعب الثقيل

آللهم أشرح صدري ،، ويسرلي أمري ، ،

---

التعديل الأخير تم بواسطة خالد العبيريد ; 12-15-2012 الساعة 12:16 PM