من هطول الوصل يالغالي ظميت
لاهطل وصلك ولاذقت الهنا
وسط سوق الصد شفني ماغتنيت
لاحصل مكسب ولا جاني غنا
كم حكيت وكم شكيت وكم بكيت
لانفع دمعي ولاراح العنا
كان مخطي قول كيت وقول كيت
وكاني ناسي قول ناسي يالمنا
انت جاوب دام لأسألتي قريت
ريّح اشواقي وريحني انا
محتمي ديرة غلاتك بيت بيت
والله ان تبقى غلاتك للفنا
كم عطيتك في غيابك ماخذيت
وإسأل فؤادك بصدي وش جنا
شوفني لامن ذكرتك قلت بيت
بيت ن لخالد يعبرني انا
(خبروه اني على وصله حييت
وان تفارقنا ترا موتي دنا)
| توقيع : رائد العصيمي |
اللهم اشرح صدري ويسر امري
اللهم انصر اخواننا المسلمين في سوريا .. اتمنى من الجميع الدعاء لهم بالتوقيع
تويتر ( رائد لمتابعة قصائدي والتواصل معي )
مدونتي (ياركني الهادي تراني نصيتك)
|
