[تذكار الغلا]

سرى فؤادي بالهوى مع خيالك
مع دربٍ يسمّى طريق البياضي
كن السفر ناعم حريرك وشالك
أمشي وانا بزيادة الدرب راضي
أقرأ وصفوك. واتهجى جمالك
وعن عثرة الكلمه وراي الف قاضي
ولولا الغلا. وافخر بخوة مجالك
كان اعتذرت وقلت ما نيب فاضي
باخذك لآخر حلمٍ ابيض ببالك
اخذ الصبا نفحة عبير الفياضي
قلبي خذه ما عندي إلا حلالك
احلام مستقبل. وتذكار ماضي
انته جريح الوجد وانا كذلك
دمع السما. يجرح خدود الاراضي
جيتك وكلي طمعةٍ في دلالك
بنشوة الفارس. وروح الرياضي
وكل الاماني شفتها من خلالك
كيف انتحار اطوالها والعراضي
اجيك وانت الغيم. واروح هالك
الماء بدلوك. والظمأ في حياضي
ومن ظلم شمسك ما تركت لي ظلالك
وعد الدجى. يشبه سراب الرماضي

 

 

 

 

 

 

 

 

توقيع : تذكار الغلا

واقول يابرقٍ عيوني تخيله .............لاتمطر إلا يم دارالمحبين..!