يالضلع جيتك وسط قلبي غرابيل
ودي أفضفض لك هموم اليالي
.
واشرح لك الموجز بكل التفاصيل
عن قصتي والي حصلي وجرالي
.
خابرك ماتكشف علوم المشاكيل
ولاتقبل أهل المهزله والهزالي
.
ويالضلع ماجيتك دموعي هماليل
خوفي مشاريهك تجيني اثقالي
.
جيتك اسوق الرجل منهد" الحيل
وشيل حمل" ماتشيله اجمالي
.
وجيتك من جروح" بقلبي مدهيل
وصرت الصويب الي تمنى الزوالي
.
شفت القهر والضيم والغبن والويل
بسباب من همه على القلب طالي
.
غرون ذبحني بالرموش المضاليل
وزود على قلبي حميم " وصالي
.
فيه الوصوف النادره كنه الخيل
مضرب مثل ناسب لمضرب مثالي
.
زين" طبيعي مايبي زود تجميل
كامل والا الله الوحيد الكمالي
...
..
.
سلطان دبيس المرشدي
.
..
...
