وآنا على باب الوصل كم رجيتك؟ = وآنا اخط الدمع ع جدار لقياك
يا ماخذ ٍ روحي انا كم عطيتك = وانته تخليني هنا وانته اهناك
آبوس راسك يا الغلا وين بيتك ؟ = وابوس عينك والتمس عفو يمناك
لو اعرف امكانك انا الحين جيتك = لكنّ وا ظيمي ع شوفة محيّاك
دلني على بيتك فديتك فديتك = وش عن خفوقي يا الغلا ويش ودّاك؟
هل ذنبي اني يا غلاي اهتويتك = او ذنبي اني كلما غبت ما انساك؟
لو تقطع عروقي انا ما نهيتك = اقطع و حسّ العرق وشلون يهواك
ما اخسر ابد لو صرت حيّك وميتك = وانته وحيد ٍ ما انوجد حد يسواك
يا ليت شعري لو بغيتك لقيتك = لكنّ وا حالي على نار فرقاك
لو باني ٍ ع الهجر و الصد نيتك = الله يعزك حيّ وايعزّ مثواك
والله يجازيني كثر ما وفيتك =والله ِ يبدلني لو ان خنت بسواك
