أسعد الله أوقاتكم بكل خير
أهديكم هذه القصيده الرائعه للشاعر الكبير رشيد الزلامي
وللامانه أول بيت ماقدرت أسجله لإني تأخرت بالتسجيل وبحثت عن القصيده بقوقل وماحصلتها
وأتصلت بأخوي تركي بن رشيد الزلامي وماقصر نقلني البيت الأول وأضفته
وأتمنى أن تنال القصيده على رضاكم
ياللي على الساحه تعد المشاهير=مقومات الشعر فيها تحول
عيد النظر وتصير لك نظرة غير=واترك علومً في دماغك تجول
ترا بعض شعاركم خير ياطير=بيتين من عنده وبيتً مقول
لولا رموزاً يدفعون الفواتير=أنشهد أن الشعر شره مطول
من فضلكم لاتخدعون الجماهير=هذا ماهو اللي نعرفه من أول
ماغير ناسً يمدحون الهوامير=بالله هذا شعر ولاتسول
لاقال له ياشيخ صابه صعاطير=ورفع به الكرسي ورده محول
ماباقي إلا يقلع الشيخ ويطير=ويروح مرواح القطا عام الأول
لاتربطون المشيخه بالدنانير=شعر ونفاق ومدح وامرً يهول
المدح للي ينطحون الطوابير=دولة هل العوجا هل المجد الأول
ومن عقبهم فرسان نجد المغواير=إليا حك عودً عود والحمل تول
