عسى الغايم اللي بالسماء بارقه شباب
يهدي به الشرقي شهر ماهدا هبه
تراكب مراديمه تقل شامخات هضاب
وجدا كل دار ممحله يامره ربه
يفضي خزينه ديمة ليلها سكاب
على الماقع اللي كل ماجيته اطربه
وفير الحطب ماداج به موتر الحطاب
كثير الشجر راع الدبش مابعد طبه
عن الضيق لامن جيت اقفل به الابواب
يزين المزاج وتوها زانت الشبه
اركد معاميلي على النار بالمركاب
واقرب لي الدله وفنجالي اصبه
حيات الفتى ساعات يبذل بها الاسباب
على اللي هواه الخاطر وخافقه حبه
