[الودعااني]

البارحة يـــا كـــن بـالـقـلـب نــتــاش
عـزاه يـــا قـلــبٍ فـرتــه الـنـواتـيـش



سـبة هـجـوسٍ تــارده ورد الأدبــاش
ومـرن يجـنـه مـثـل وبــل المراهـيش



يـجـي لقلـبـي مــن سببـهـن تـلولاش
ومــرن يجيـلـه مـثـل دق الشواكـيـش



وعبرت عن ما بي وما بالحشا جـاش
يا ويش أخلي ويـش أنـا بذكره ويـش



مــا نــي بسـكـران ولانـي بـحـشـاش
ولاني مـن اللـي تـو مـا زمـه الطيـش



لا شك من شي نشوفه علـى الشـاش
شـي يشـوش صافـي الفكـر تشـويـش



أشـوف مـن غنـى وينقـال لــه عــاش
والـى ظـهـر كـثـرت علـيـه اللوالـيـش



وأشـوف الأمــه كلـهـا كنـهـا قـشـاش
وفي كفة الميزان يرجـح بهـا الريـش



أحـدٍ يـسـوق الــروح للـمـوت بـبـلاش
ضايع ووصفه مثل وصـف الخفافيـش



واحـدٍ رضـي بالمرمطـه لجـل يعـتـاش
واحـــدٍ بـوقـتـه لاهـــي بــــده يـعـيــش



واحدٍ رضي سوق الكرامة على ماش
يفـرح الــى مـدولـه الـنـاس بخشـيـش



واحدٍ مشخص يحتـري ومضـة فـلاش
وتلقى رصيده يحوي الجهـل والطيـش



واحــدٍ جيـوبـه كـلـهـا امـتـلـت كـــاش
يصرف ولكـن لوجـه الخيـر مـا فيـش



واحدٍ زرع وازراعتـه بـس خشخـاش
ضايع وضيـع مـن ورا ضيعتـه جيـش



والمجتمع مثل السفينة علـى الطـاش
ما من سلامـة كـان حبـل الامـه نيـش



تـمـت ابـيــاتٍ لـــي بنـيـتـه عـلــى آش
شطـر علـى آش وشـطـر عـلـى ايــش



الشاعر : خلف الوهبي

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه