رد: أدراج الرياح ,
سامح الله كل حبٍ راح بـأدراج الرياح=أولّه فوق السحاب و تالِيهْ فوق الجمر
حُب ورّث لـ الولايف ضيق من بعد انشراح=ما بيدَها لكن الله راد و الله من أمر
و السنين اللي تعدتها مشاريه و جراح=مكسب اللي ما حسب في مال و الا في عمر
دامني رغم انكساراتي بعد أخطل جناح=ي جناحي لك ترا ذي الارض كوكب و القمر
و الهنوف اللي تكد الليل عن وجه الصباح=خصها الله عن بياض الغيد و الغيد السُمر
لا اقبلت تنتابني الحيره و أحس بـارتياح=مَ ادري وين ألمح بها ع الحُمر و الا ع الثمر
و لا قفت كنها في دران شرع ملتها انفتاح=خصرها ضامر و لكن ردفها ما به ضمر
الحياه أميالها تُقطع على حسب الكفاح=يوم ترسم في ممراتك عن العالم ممر
و الهوا اللي يستبيح الدمع و يِعّود مٌباح=فتنةٍ مَ الله خلق من مثلها ادهى و امر
روّحي ما دام تبغيها سهالات و سماح=لـ أنتي في مخلاب طير و لـ أنتي في ناب النمر
و سامح الله كل حبٍ راح بـ أدراج الرياح=أولّه فوق السحاب و تالِيهْ فوق الجمر
الله الله عليك قمه ياعبدالرحمن ابيات فريده ,,
وعليكم السلام ورحمة الله وبركاته ,,
صباحك كل خير ياهلا وحياك الله عبدالرحمن ,,
صح الله لساانك وصح قلبك وكلك ولاهنت شاعرنا الغالي جزل ووافي ,,
تحياتي وكل تقديري لك وأنتظر المزيد.
|
