[فرح الشهري]

غايب حبيبي ما وصلني سلامه

مدري غيابه عذر او شي مقصود

مو عادته يبخل على بأهتمامه

دايم يطمني ولو كان موجود

ما ابغى اشوفه بس بسمع كلامه

لا صار طيب راحتي مالها حدود

يرجعه ربي على بالسلامة

اللي وحشني كم بقى يوم ويعود

محتاج له في درب ما اقوى ظلامه

هو شمعتي لا كثرت ايامي السود

ما اقوى على بعده ولا اقوى خصامه

لا غاب احس بدنيتي شي مفقود

متى يعود وترجع الابتسامة

الصبر مهما طال له وقت وحدود

عندي عتاب ودمعتين وملامة

وعندي أمل انه اذا غاب بيعود

 

 

 

 

 

 

 

 

توقيع : فرح الشهري

سبحان الله