[فزاع المرشدي]

قصيدتين من روائع دكتور الشعر الشاعر العلم سداح العتيبي




(( أبسرق قصيده من قصائد خلف هذال ))



[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا بنوّته أرتاحي من البث والارسال =على شاشة الحاسوب عينك شقاويّه
لا قفلّتي الحاسوب .. شغـّلتي الجوال=ومليتيه بأكواد القناه الفضائيّه
انا خابرك للشعر لك خاطر ٍ ميّال =لكنّ الشّعر ماهوب حاجه ضروريّه
لا تنسين دون الأختبارات عشر ليال= ومستقبلك بآخر سنه بالثانويّه
تخلوي بكتبك واتركي بادع الامثال =ولك مني أعوضك قصيده خصوصيّه
لا قلتي نجحت .. وبارك العقد للسلسال =ونسبة نجاحك فوق تسعين بالميّه
أبسرق قصيده من قصايد خلف هذال =وأقول إسمعي هاذي جديده وحصريّه [/poem]





قصيدة اذا اعتزلت الشعر ( فكاهيه )



[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا اعتزلت الشعر سويّت لي حفل اعتزال= مثل حفلات اللواعيب مع جمهورها
أحجز أكبر قصر للحفله بخشم الريال =والصحافه حاضره لا دهنت سيورها
صالته فيها الثريّا مثل قرن الغزال=والإضاءه بين خافت وساطع نورها
وبرعاية وبحضور الوليد بن طلال=تستريح اهل البطون وتحك ظهورها
والكراسي فايضه بالحريم وبالرجال =و بينهم مافيه حاجز يحجز شعورها !
أدخل مصلّع بدون العمامه والعقال= شايل بيمناي باقه تفوح زهورها ا
والدروع اللي تجيني من عيال الحلال=كل درع أقبــّـله .. وأحذفه بنحورها
وألتقط صوره جماعيّه وصوره لحال =ومن تبي توقيع مخصوص تمسك دورها
أتخيـّل كلّ هذا .. ويا حلو الخيال =مزحه برزحه عسى ما تطير طيورها !
[/poem]






0