[عبد العزيز الهزاع]

[poem=font="simplified arabic,4,darkred,normal,normal" bkcolor="transparent" bkimage="" border="none,4,darkred" type=0 line=0 align=center use=ex num="0,black""]
ترى أول عذابي يوم قالوا حبيبك راح = ركب في القطار ولاتصرف يوادعني
وصلت المحطه وحسب انه كلام امزاح = وزاد العنا بي يوم شفته يطالعني
يأشر بكفه لي يقول الهوى فضـّاح = تحمل ترى المذكور عندي يراقبني
بغيت اتجمل وأكتم السر لكنه باح = وقلت الرجاء ياسايق الريل ركبني
تراني عقب فرقا الغضي ماقويت أرتاح = خطير ٍعقب فرقاه روحي تفارقني
وزاد الشقا في القلب يوم المنبه صاح = ووقف على الطاقه حبيبي يكلمني
خزرني بعين ٍ كن فيها سلال أرماح = وفريت وجهي خايف الدمع يفضحني
عقب ماقطعت الياس زادت بي الأجراح = ورفعت صوتي وأحسب الزين يسمعني
رجعت لمحلي اتذكر زمان ٍ راح = مع الصاحب اللي يوم الأثنين فارقني
ليالي مضت لي كلبوها ليال ملاح = أبطلب عسى الله مع هوى البال يجمعني[/poem]

منقوله
من كلمات الشاعر : محمد سعد الجنوبي
من أغاني الفنان : مطلق دخيل